Даналық мектебі

 Даналық мектебі
17 наурыз – Шаңырақ күні Шымкент қалалық білім басқармасына қарасты А.Байтұрсынов атындағы №50 мектеп-гимназиясында ерекше тәрбиелік мәні бар іс-шара ұйымдастырылды. Ата-аналарды педагогикалық қолдау орталығы мен «Даналық мектебі» аясында отбасы құндылықтарын дәріптеу мақсатында мазмұнды бағдарлама өтті. Ұлттық киім киген ата-аналар оқушыларға ақ тілектерін арнап, "Наурыз бата" берді. Сонымен қатар, балаларға арналған спорттық іс-шаралар ұйымдастырылып, қатысушылар белсенділік танытты. Іс-шара соңында жеңімпаздар мен барлық қатысушыларға "Наурыз" логотипі бейнеленген ұлттық тәттілер табысталды. Ұрпақ тәрбиесінде отбасы мен мектеп байланысының маңызы зор екені тағы бір мәрте айқындалды. Осындай игі шаралар ұлттық құндылықтарды насихаттауға өз үлесін қосады.