Көрісу күні

 Көрісу күні
Шымкент қалалық білім басқармасына қарасты А.Байтұрсынов атындағы №50 мектеп-гимназиясында Көрісу күні – Амал мерекесіне орай арнайы іс-шара ұйымдастырылды. Іс-шара барысында оқушылар қазақ халқының ежелден келе жатқан көрісу дәстүрінің мәні мен маңызы туралы мағлұмат алып, үлкенге құрмет, кішіге ізет көрсету секілді ұлттық құндылықтардың маңызын түсінді. Оқушылар бір-бірімен көрісіп, ақжарма тілектер айтып, халқымыздың татулық пен бірлікті дәріптейтін игі дәстүрін жаңғыртты. Шараның басты мақсаты – жас ұрпаққа ұлттық салт-дәстүрді насихаттап, олардың бойында құрмет, сыйластық және елжандылық қасиеттерін қалыптастыру.