БП білім берудің тиімді жолын ұсынады

Қалалық Білім Басқармасына қарасты А.Байтұрсынов атындағы  №50 мектеп-гимназияда 16 наурыз күні  "Сапалы білімнің жаңа идеялары: тәжірибе, нәтиже" тақырыбында семинар өтті. Семинар аясында мектепішілік “Global” дебат клубы “БП білім берудің тиімді жолын ұсынады” тақырыбында пікір-сайыс жүргізді. Үкімет позициясының спикерлері “Білім мазмұнының жаңаруына сай оқушыларға сапалы білім алуына қажетті жағдай жасай алдық па? Жоғары ақпараттық-коммуникациялық әлеуеті бар білім беру ортасын құру идеясы қаншалықты жүзеге асты?” сұрақтары аясында мәселелер көтерді әрі ұсыныстар айтты.Оппозиция позициясының спикерлері кеңестік замандағы білім беру жүйесінің кейбір элементтерін,талаптарын қайта  әкелу керектігін жеткізді. Цифрландыру дәуірі мен ауыл,қала мектептері базасы туралы ойларын бөлісті. Жаңа бағдарламаның артықшылықтары мен кемшіліктері туралы қозғап, сыни көзқарас таныта білді.