03
март
2023
Жүз жол,біреуі-сенікі
Шымкент қаласы білім басқармасына қарасты №50 мектеп-гимназиясында "Жүз жол,біреуі-сенікі" тақырыбында маман иелерімен кездесу өтті. Кездесуде №2 емхананың дәрігері Гулназ Примжанова, өрт қауіпсіздігі қызметкері Әбілқасым Бәйдібек және курсанттар, ҚПД Тұран АПБ инспекторы Жахан Қалаубек келіп,оқушылардың көкейінде жүрген сұрақтарға жауап берді. Кездесудің соңында маман иелері «ынта болса, мақсатқа жеткізер жүз түрлі жол табылады, ынта болмаса, мақсаттан бас тартар жүз түрлі сылтау табылады» деп қорытындылады. Кәсіби бағдар беру педагогы Кәдірхан Ақерке мақсатқа жету бақытты тірлік кешуге байланысты болмақтығын айтып жеткізді. Өздеріңіз көріп, ойларыңызға түйгендей мамандық таңдауға деген жүз жол бар, әйтсе де біреуін ғана таңдап, біреуінің ғана майталманы болу өз қолдарында екендігін түсіндірді.
