1- наурыз Бүкіләлемдік Азаматтық қорғаныс күні

Шымкент қалалық білім басқармасына қарасты А.Байтұрсынов атындағы №50 мектеп-гимназиясында 1- наурыз Бүкіләлемдік Азаматтық қорғаныс күніне орай жаттығу дабылы қағылып, ұстаздар мен оқушылар белгіленген ережелер бойынша қауіпсіз аймаққа шығарылды. Жаттығу барысында оқушылардың қауіпсіздігі қатаң сақталып, "Қоғамдық тәртіп сақтау", "Құтқару", "Өрт сөндіру", "Санитарлық" топтары өздерінің міндеттерін жоспарға сәйкес орындап шықты. Мектеп директоры Сарсенбаева Жанар Пернеханқызына әскери жетекші  Ешанкулов Нұрғали Оралович оқушылардың қауіпсіз аймаққа шығарылғаны жөнінде мәлімет беріп, Бүкіләлемдік азаматтық қорғаныс күні жөнінде түсіндіру жұмыстарын жүргізді. Аталған жаттығу барысында мектеп ішінде қалып қойған оқушыны құтқару командасы сыртқа алып шықты. Оған санитарлық топ мүшелері алғашқы дәрігерлік көмек берді. 11 сынып оқушылары жалпы әскери қорғаныш толымының киімін қалай кию керектігін іс жүзінде көрсете білді. Мектеп ұжымы  тосыннан келген төтенше жағдайға кез-келген уақытта дайын екенін көрсетті. 1-11 сыныптарда төтенше жағдай кезінде оқушылардың іс-әрекеті тақырыбында сынып  сағаттары өтілді.