Ауған соғысының жаңғырығы

13 ақпан күні Отбасылық кітапханада Кеңес әскерлерінің ауған жеріннен шығарылған күніне орай «Ауған соғысының жаңғырығы» атты кездесу кеші өтті.

Кеш мақсаты: өз Отанына шексіз берілген патриоттық рухы жоғары қайсар жауынгер ағаларымыздың ерлігін келешек ұрпаққа дәріптеу. Жастарды патриоттық рухта тәрбиелеу, елге, жерге деген отан алдындағы сүйіспеншілігін арттыру.

Кездесу кешіне ардагер интернационал жауынгерлер Сүндет Мендығұлов пен Нұрғали Ешанкулов мырзалар қатысты.

Іс – шараға А.Байтұрсынов атындағы №50 мектеп-гимназиясының 10 сынып оқушылары қатысып, ардагер ағаларына көкейтесті сұрақтарын қойып толыққанды жауаптарын алды. «Ауғандағы азап шеккен арыстар» атты ән орындалып, өлеңдер оқылды. Ауған соғысы-Кеңес Одағы тұсындағы тарихтың қайғылы беттеріннен бейне-ролик көрсетілді. «Батырлар ерлігі ұмытылмайды» атты кітап көрмесіне шолу жасалды.

Осындай ауыр аманат арқалап, өмір мен өлім белдескен қанды шайқасқа қатысып, батылдық пен ерліктің ерең үлгісін көрсеткен қаһарман ағаларымыз жастарға үлгі.