Бір ел- бір кітап

Бұл апта біздің 7"Ә" сыныбы үшін жемісті болды.

22 ақпан күні Отбасы кітапханасында болдық. Онда "Бір ел- бір кітап" акциясы бойынша Төлен Әбдіковтің "Оң қол" әңгімесі жайлы пікірталас жүргіздік. Оқушылар әңгімені оқып, оның мазмұны бойынша өз пікірлерін білдіріп қана қоймай, бүгінгі қоғамдағы түрлі жағдайлармен байланыстыра отырып салыстыра білді. Бейнефильм көрсетілді. Ерекше әсерленгендері байқалды.

23 ақпан күні мектебімізде Мұқағали Мақатаевтың туғанына 92 жыл толу қарсаңында 7-сыныптар арасында "Мұзбалақ ақын мұрасы" атты байқау өткізілді. Мұнда әр сынып ақын шығармашылығы бойынша қойылым қойып, өлеңдерін оқыды. 7"Ә" сынып оқушылары "Көңіл толқынысы" атты сазды- шығармашылық қойылым көрсетті. Ал сыныптағы Фархад Индира мен Әбдіқайым Абдуллаахмед өлеңдерін мәнерлеп жатқа оқыды. Балалардың ұйымшылдығының арқасында жеңіске жеттік. Бас жүлдені иемдендік. Жеңістің тәтті дәмі балаларды қуанышқа кенелтті. Ата-аналар да қуанып, құттықтап жатыр.

Ал бүгін,яғни 24 ақпан күні Шымкент қаласында ғы Саяси қуғын-сүргін құрбандары мұражайына бардық. Мұнда оқушылар қазақтың елін ойлаған асыл да ардақты азаматтарының өмірлері мен елі үшін атқарған еңбектері жайлы көптеген мәліметтер алды. Халықтың қамы үшін құрбан болған асыл жандардың, олардың отбасыларының ауыр тағдыры балаларға ой салды. Көргендері мен естігендері арқылы өз білімдерін толықтырғандары анық. Ер есімі ел есінде мәңгі сақталатынын ұғындырған осы саяхат сабақтың оқушыларды елжанды азамат болып өсуі үшін жігерлендіріп, өмірлік берік ұстаным қалыптастыруға себеп болғаны шүбәсіз деп ойлаймын.