Қазақстан балалары

 Қазақстан балалары
Шымкент қалалық білім басқармасына қарасты А.Байтұрсынов атындағы N50 мектеп-гимназияда 1 маусым – Халықаралық балаларды қорғау күні орай 2025 жылғы 22 мамыр күні «Қазақстан балалары» атты республикалық акция аясында мектеп бітіруші түлектерінің мектеп ауласын тазалау, ағаш түптерін қопсытып, әктеу, гүл егу, гүл айналасын шөптерден тазарту жұмыстары ұйымдастырылып, жүргізілді. 11- сынып оқушылары ересек өмір жолын мектеп ауласына ағаш отырғызудан бастады. Ағаш отырғызу түлектер арасында дәстүрге айналған. Әр жылдың мектеп бітірушілері білім ордасына деген алғыстарын осылай білдіреді. Биыл бұл үрдіс Мемлекет басшысының «ТАЗА ҚАЗАҚСТАН» экологиялық науқаны аясында жалғасын тапты.