Ел болашағы– білімді ұрпақ

Шымкент қалалық білім басқармасына қарасты А.Байтұрсынов атындағы №50 мектеп-гимназиясының "Ұшқыр ой" пікірсайыс клубы 05.11.2022ж күні А.Байтұрсынұлының 150 жылдығына орай «Ел болашағы– білімді ұрпақ» тақырыбында ұйымдастырылып өткізілген Абай ауданының іріктеу турниріне қатысты. Турнир қорытындысында "One piece" ағылшын фракциясы Абдрашидов Арсен мен Жолан Айгерім ІІ орынды иеленіп, Арсен Абдрашидов «Ең үздік спикер» номинациясын жеңіп алды.

"Болашақ" қазақ лигасы бойынша Нұраханова Карина мен Ажимуханбет Қасиет, "Альянс" орыс лигасы бойынша Айтбай Мерея мен Талғар Аделя белсене қатысқандары үшін алғыс хатпен марапатталды. Сонымен қатар жетекшілері Асем Туралиева мен Маржан Шорабекова алғыс хаттармен марапатталды.

Алдағы уақытта болатын қалалық турнирде балалардың ұшқыр ой, жүйелі жұмыстарына тек сәттілік тілейміз! Жеңісті күндер көп болсын!