Сапалы білімнің жаңа идеялары: тәжірибе, нәтиже

Қалалық Білім Басқармасына қарасты А.Байтұрсынов атындағы  №50 мектеп-гимназияда 16 наурыз күні  "Сапалы білімнің жаңа идеялары: тәжірибе, нәтиже" тақырыбында семинар өтті. Семинар аясында Қазақ тілі мен әдебиеті пәнінің әдістемелік бірлестігі "Қазақ тілі сабағында білім сапасын көтеруде тиімді әдіс-тәсілдерді қолдану" тақырыбында коучинг сабақ өткізді. Коучинг барысында зерттеуші мұғалім Г.Раманкулова сабақ кезеңдеріне сай тиімді әдіс-тәсілдерді саралап қолдану арқылы білім сапасын көтеруге қол жеткізуге болатынын дәлелдеді. Коучингке қатысушы мұғалімдер "Стоп-кадр", "Ой моншақ", "Семантикалық карта", "Сәйкестендір" әдістерін қолдана отырып, сабаққа белсене қатысты. Сабақтың соңында "Бір ауыз сөз" әдісі арқылы көңіл кhouseодағайларын жазып, кері байланыс жасағанда өздерінің жақсы әсер алғандарын білдірді. Коучинг сабақ тәжірибе алмасуға лайықты шара болғаны қатысушылардың белсенділігінен, көтеріңкі көңіл күйлерінен байқалды.