Оқушылар арасында құқықбұзушылықты алдын алу

Шымкент қалалық білім басқармасына қарасты А.Байтұрсынов атындағы  №50 мектеп- гимназиясында 7-8 сынып оқушылары арасында кәмелет жасына толмаған жасөспірімдер арасында қылмыс пен құқықбұзушылықтың алдын алу, жыныстық тиіспеушілігіне қарсы қылмыстардың профилактикасы, өз-өзіне қол жұмсау фактілерін болдырмау, құқықтық сауаттылықтарын арттыру және әлімжеттікті болдырмау мақсатында мектеп директоры Ж.Сарсенбаева, директордың тәрбие ісі жөніндегі орынбасары У.Жамбулова, мектеп инспекторы М.Саятовтың қатысуымен жиналыс өткізілді. Жиналыс барысында құқықбұзушылық, зорлық-зомбылық, буллинг,  кибербуллинг, жол ережесін сақтау, өзара қарым-қатынас, мектеп формасы, вейптің ағзаға зияны, сабақ уақытында   телефон (сMarchфон) қолданбау, ойынханаларға бармау, қауіпсіздік ережелері, түнгі уақытта жүруге тиым салынатындығы, ақша жинамау, бопсалау, мектеп ережесін сақтау  мәселелері туралы айтылып түсіндірме жұмыстары жүргізілді.