Шымкент қаласы білім басқармасына қарасты А.Байтұрсынов атындағы N50 мектеп-гимназияда мектеп  бүгін, 2024 жылдың 7 қазан күні

кәмелетке толмағандардың арасындағы және оларға қарсы жасалған құқық бұзушылықтардың, балалардың қадағалаусыз және панасыз қалуының  алдын алу, зорлық-зомбылықтың, жыныстық тиіспеушілігіне қарсы қылмыстардың профилактикасы, өз өзіне қол жұмсау фактілерін, құқық бұзушылықты болдырмау  мақсатында «Бала құқығы-басты құндылық» тақырыбында 03-31 қазан аралығында жүргізілетін айлық науқан аясында  мектеп инспекторы полиция майоры Саятов Минур Саятович тәрбие орынбасарларымен  бірлесе отырып "Абай бол!" , "Суық қаруға жол жоқ!" тақырыбында 9-11 сынып оқушыларымен кеңінен ақпараттық түсіндірме жұмыстарын жүргізді. Жиналыс барысында құқықбұзушылық пен зорлық-зомбылық, буллингтің алдын алу бойынша бейнебаян көрсетіліп, оқушылармен бірге талқыланды. 

Шымкент қаласы білім басқармасына қарасты А.Байтұрсынов атындағы N50 мектеп-гимназияда «Ұстаздар күні» мерекесіне орай 3-4 қазан күні оқушыларды адамзаттық құндылыққа бағыттайтын өзін-өзі басқару ұйымының жұмысын жандандыру, тұлғаның көшбасшылық қасиеттерін ашу, білім алушылардың ұйымдастырушылық қасиеттерін іске асыру мақсатында «Дублер күні» өткізілді. Мектеп оқушылары ерекше қызығушылықпен атқарды.

Шымкент қаласының  білім басқармасына қарасты А.Байтұрсынов атындағы N50 мектеп-гимназияда директордың тәрбие ісі жөніндегі орынбасары У.Жамбулова және мектеп инспекторы Шымкент ҚПД Тұран АПБ ЖПҚБ ЮПБ инспекторы полиция майоры Саятов Минур Саятович  8 қазан күні білім басқармасының 02 қазан 2024 жылдың №10-07-07/6120 шығыс хаты негізінде кәмелетке толмағандардың арасындағы және оларға қарсы жасалған құқық бұзушылықтың, балалардың қадағалаусыз және панасыз қалуының алдын алу, зорлық-зомбылықтың, жыныстық тиіспеушилігіне қарсы қылмыстардың, нашақорлықтың алдын алу профилактикасы, өзіне-өзі қол жұмсау фактілерін болдырмау және өмір қауіпсіздігін сақтау, жасөспірімдер арасында адам өміріне зиян келтіретін заттарды тасып жүрудің алдын алу  мақсатында «Бала құқығы-басты құндылық» тақырыбында айлық науқаны аясында  7-8 сынып оқушыларымен "Абай бол!", профилактикалық іс- шарасы бойынша 2- ауысым оқушылары арасында РЕЙД жұмыстары жүргізілді, " Суық қаруға жол жоқ!" тақырыбында жалпы жиналыс өткізілді. Жиналыс барысында аталған мәселелерге толығымен тоқталып, бейне роликтер көрсетіліп, түсіндірме жұмыстары жүргізілді. 

Шымкент қалалық білім басқармасына қарасты А.Байтұрсынов атындағы N50 мектеп-гимназияда 

5 қазан -Ұстаздар күніне орай, бітіруші 11 сынып оқушылары,  "Өзін өзі басқару" ұйымының, "Жас ұлан" ұйымы, "Адал ұрпақ" ұйымының  ұйымдастыруымен "Ұстаздар-ұлы тұлғалар" атты ұстаздар күніне орай мерекелік салтанатты іс-шара өтті. Іс-шара барысында оқушылар ұстаздарға деген ән, би өнерлерін көрсетті. Салтанатты шара соңында мектеп директоры Сарсенбаева Жанар Пернеханқызы құттықтау сөз сөйлеп, ұстаздарды кәсіби мерекелерімен құттықтады. Ұстаздардың қоғамдағы рөлі мен білім беру саласындағы маңызды қызметін атап өтіп, шығармашылық табыс, жаңа идеялар мен кәсіби даму тілеп, мерекеге орай, Шымкент қалалық білім басқармасының, Шымкент қалалық білім басқармасы Әдістемелік орталығының, Шымкент қаласы кәсіподақ орталығының алғыс хаттарымен марапаттады.